/
Fins e Obxectivos
Cegasal é a única patronal que aglutina aos Centros Especiais de Emprego de Economía Social sen ánimo de lucro de Galicia e as Empresas de Inserción Laboral galegas así como ás entidades do movemento asociativo que teñan participación social en empresas de economía social sen ánimo de lucro que voluntariamente se adhiran a mesma.
Pretendemos:
- a DEFENSA E PROMOCIÓN DOS INTERESES SOCIOECONÓMICOS dos seus membros e das empresas de economía social sen ánimo de lucro en xeral, así como dos INTERESES SOCIO LABORAIS DAS PERSOAS que os integran e nelas traballan coa finalidade de garantir un emprego de calidade, axustado e accesible para as persoas con discapacidade e persoas en situación ou risco de exclusión social, a súa formación, habilitación e desenvolvemento profesional.
- ser INTERLOCUTOR centros especiais de emprego como fórmula do emprego protexido dentro da economía social e sen ánimo de lucro promovido polo movemento asociativo e das empresas de inserción laboral ante o sector público e o privado, mantendo un contacto continuo cos diferentes axentes para plantexarlles as necesidades e aspiracións deste modo de crear riqueza e emprego, conseguir o apoio necesario para a súa subsistencia e intervir na elaboración da normativa reguladora.
- REPRESENTAR ás empresas de Economía Social sen ánimo de lucro promovidas polo movemento asociativo das persoas con discapacidade de Galicia a nivel nacional e internacional.
- PROMOCIONAR A FORMACIÓN dos/as traballadores/as pertencentes aos centros especiais de emprego e empresas de inserción laboral membro, como en xeral, a cualificación de todas as persoas con discapacidade e persoas en situación ou risco de exclusión social, mediante itinerarios de inserción individualizados.
- FOMENTAR A SOLIDARIDADE E PARTICIPACIÓN dos asociados, promocionando e creando Servizos Comúns.
- ASESORAR NAS DIVERSAS ÁREAS DE ACTUACIÓN dos seus membros na xestión, administración, xurídico e contactos institucionais e empresariais.
- FOMENTAR A INTEGRACIÓN SOCIO LABORAL das persoas con discapacidade e das persoas en situación ou risco de exclusión social.
- PARTICIPAR EN ORGANIZACIÓN E FOROS tanto a nivel nacional coma internacionais, dando a coñecer a realidade, labor e valores da Economía Social sen ánimo de lucro de Galicia.
De ámbito autonómico, carácter aconfesional, apartidista e con personalidade xurídica propia e independente da dos seus asociados, goza de plena capacidade para ser suxeito de dereito e obrigas nos termos previstos polos seus Estatutos para alcanzar os seus fins.
©2011 CEGASAL Aviso Legal
Rua Modesto Brocos, Nº 7, Bloque 3 Baixos. 15704 Santiago de Compostela
Tfno: 981 574 698
FAX: 981 574 670
