CEGASAL

Publicada a Estratexia Española de Emprego

Thu, 01 Dec 2011 09:24:38 +0100

Publicada a Estratexia Española de Emprego (EEE), trátase dun documento de carácter xeral, consensuado coas Comunidades Autónomas, sindicatos e o CERMI, en colaboración con FEACEM, que ten o fin de garantir a unidade de acción en materia de emprego e que busca desenvolver con eficacia e eficiencia as políticas activas de emprego.

As principais medidas aprobadas no documento, os cambios que se reflectiron con respecto á lexislación actual e a forma na que afecta aos Centros Especiais de Emprego. Botamos en falta a diferenciación nin o recoñecemento dos CEE de iniciativa social, que durante este período de crise apostaron por manter os postos de traballo creado e continúan a ser empresas que contribúen ao desenvolvemento sostible e que revirten os seus beneficios en xerar emprego de calidade entre as persoas con discapacidade.

En materia de discapacidade, o texto convérterse en ferramenta de desenvolvemento das políticas de emprego, e recolle unha serie medidas de inserción laboral que favorecen a aqueles colectivos que presentan especiais dificultades de acceso ao emprego.

Actualiza as contías das axudas previstas nos orzamentos destinadas ao emprego das persoas con discapacidade en especial para as persoas con maiores dificultades de inserción laboral.

A Estratexia Española de Emprego é o primeiro paso para dar resposta á derogación normativa que se produciu co Real Decreto Lei 3/2011, que afectaba ás disposicións que regulaban as Políticas Activas de Emprego da discapacidade.

Entre os aspectos a destacar da EEE, se indica:

- Consideraciíon das persoas con discapacidade como colectivo prioritario con especiais dificultades de inserción en materia de emprego.

- A EEE recolle unha serie de contías e incentivos para a contratación de persoas con discapacidade e aos CEE.

- Configura un marco descentralizado que outorga as Comunidades Autónomas un papel moito mais activa que poden no exercicio das súas competencias complementar as contías previstas na Estratexia.

- En aquelas CCAA que non desenvolvan accións e programas propias na materia, permanecerán en vigor as disposicións derogadas no Real decreto Lei 3/2011, en relación ás persoas con discapacidade.

Respecto ao apartado relativo aos centros especiais de emprego prevense:

- Incentivos ao emprego indefinido por cada nova contratación ou transformación, pendente de desenvolvemento por cada CCAA.

- Subvencións ao coste salaria continuará co 50% do Salario Mínimo Interprofesional.

- Subvención para adaptación de postos de traballo alcanzará os 1.800 €

- Incentivos para equilibrio presupuestario cun importe máximo de 1.500 € por cada contrato (antes non se especificada importe algún). Mantense a indicación de que dita axuda non poderá cubrir resultados adversos derivados dunha xestión deficiente a xuízo da Administración competente.

- Mantéñense as bonificacións das cotas á Seguridade Social na mesma porcentaxe.

- Respecto as Unidades de Apoio que facilitan a tarea de traballadores/as con necesidades especiais, contempla subvencións destinadas a sufragar costes laborais e de Seguridade Social.

Anuncio de decreto

Wed, 30 Nov 2011 12:19:25 +0100

O Goberno anuncia un decreto que "regula e moderniza" o emprego nos CEE.

Estase a preparar un novo Real decreto que incluirá o dereito do traballador/a a un Programa Persoal de Desenvolvemento Laboral que lle prepare para traballar fora do Centro Especial de Emprego.

Tamén recoñecerá o dereito do traballador/a a pedir unha excedencia cando teña a oportunidade de pasar á empresa ordinaria.

Resumo contratación incentivada de persoas con discapacidade.

Tue, 29 Nov 2011 17:09:42 +0100

Accede aos diferentes documentos que achegamos e, se necesitas máis información e asesoramento, non dubides en contactar con nós

Documento 1. Novo! Cadro-resumo dos contratos incentivados para contratación de persoas con discapacidade.

Publicacións oficiais de interese

Tue, 29 Nov 2011 17:07:53 +0100

PUBLICACIONS OFICIAIS

Nos documentos da esquerda, recóllese unha selección diaria das publicacións oficiais do DOG, BOE e BOP A Coruña, BOP Pontevedra, BOP Lugo e BOP Ourense, no ámbito da discapacidade, convocatoria de axudas e subvencións, ofertas de emprego, normativa e licitacións públicas.

Demandantes de emprego

Tue, 29 Nov 2011 16:53:46 +0100

¿Buscas emprego?

¿Desexas mellorar a túa situación laboral actual?

¿Tes dificultades para acceder a un posto de traballo axeitado as túas circunstancias?

Xa sabemos que a busca de emprego é por si mesma un traballo, pero se tes discapacidade e desexas formar parte da nosa bolsa de emprego , envíanos os teus datos a través do email de información da entidade, e porémonos en contacto contigo para informarche das ofertas actualmente existentes así como iniciar un proceso de inserción persoalizado, a través do Servizo de Intermediación Laboral da Confederación Galega de Persoas con Discapacidade (COGAMI)

info@cegasal.com

(Descarga o documento e achégao xunto co correo electrónico que nos envías)

Aprobada a Estratexia Española de Emprego 2012 - 2014

Tue, 08 Nov 2011 18:23:14 +0100

O Consello de Ministros aprobou a Estratexia Española de Emprego 2012-2014.

Esta Estratexia persegue conseguir o obxectivo de fomentar o emprego da poboación activa e aumentar a participación de homes e mulleres n o mercado de traballo, mellorando a produtividade e a calidade no emprego n un mercado de traballo sostible baseado na igualdade de oportunidades, a cohesión social e territorial.

A mesma garantizará a igualdade na atención aos desempregados en todas as Comunidades Autónomas, e permitirá contar coa flexibilidade ás Comunidades Autónomas no deseño das políticas activas de emprego para axeitalas ás necesidades do mercado laboral. Ademais, por primeira vez se enmarcan obxectivos de cumplimento de políticas de emprego con indicadores concretos.

Foro Empresarial - Claves para a recuperación económica

Thu, 03 Nov 2011 19:38:43 +0100

O próximo mércores 9 de novembro de 2011 terá lugar o "Foro Empresarial - Claves para a recuperación económica" convocado pola Confederación de Empresarios de Galicia (CEG), co obxecto de analizar a evolución recente dalgúns dos aspectos de maior incidencia na actividade empresarial e poñer en valor as estratexias e propostas para reactivar a economía e o tecido produtivo galego.

O citado encontro terá lugar a partir das 9:30 horas no Auditorio de Galicia e contaremos cunha ampla participación de empresas e representantes de organizacións empresariais de todos os sectores produtivos de Galicia, que reflictan o relevante papel desempeñado polas organizacións empresariais.

Na seguinte ligazón pódese acceder ao programa do Foro Empresarial – Claves para a Recuperación Económica e ao formulario de inscrición.

Aberto o prazo de solicitude da subvención ao custo salarial en centros especiales de empleo

Mon, 24 Oct 2011 14:19:53 +0200

A Consellería de Traballo e Benestar publicou o pasado martes 18 de outubro a convocatoria de subvencións ao custo salarial para o mantemento dos postos de traballo ocupados por persoas con discapacidade en centros especiais de emprego.

Dita convocatoria establece como novidade o seu carácter plurianual para as mensualidade de outubro de 2011 a xuño de 2012 de modo que, ao tratarse de unhas subvencións periódicas o mantemento dos postos de traballo, evítase que quede paralizada a súa concesión e pago durante algún período.

Para acceder a esta subvención terase que ostentar a cualificación de centros especial de emprego cualificado así como estar inscrito no rexistro administrativo correspondente ou ben, entidades que solicitase a súa cualificación, en cuxo caso a concesión da subvención se producirá na data de solicitude da cualificación pero o pago se producirá cando se acredite dita cualificacion no Rexistro

O prazo de solicitude é ata o 19/11/2011 e para aqueles centros que soliciten a inscrición ou inicien a súa actividade por se de nova creación, ou ben amplicación da súa cualificación do CEE por apertura dun novo centro de traballo nunha provincia distinta, o prazo é ata o 30/06/2012.

Mais información pode obterse consultando a convocatoria.

A Xunta de Galicia atende as peticións de mellora nas axudas a centros especiais de emprego

Fri, 07 Oct 2011 14:06:22 +0200

O Consello de Goberno da Xunta de Galicia de onte, adoptou o acordo de autorizar a Consellería de Traballo e Benestar de establecer compromisos de carácter plurianual no proxecto da Orde que regulará as axudas a centros especiais de emprego que está preparando para o ano 2012, xunto con outras medidas que melloran o procedemento de acceso ás mesmas.

Segundo se indica en dito acordo as medidas máis significativas son:

- Considerar ás persoas con discapacidade como colectivo prioritario nas políticas activas de emprego en Galicia.

- Establecer as accións específicas para a inserción deste colectivo así como para a súa permanencia no mercado laboral.

- En relación á subvención do custe salarial, dirixida ao mantemento do emprego creado nestas iniciativas, a orde será de carácter plurianual e permitirá solicitar anticipos co fin de dar continuidade no tempo a estas axudas, sen ter que esperar as ordes anuais para poder recibilas.

- Prevé un orzamento inicial que supera os 8 millóns de euros.

Actualmente están inscritos en Galicia 110 centros especiais de emprego na que traballan 2.000 persoas con discapacidade.

Presenza na Semana Europea da PEME

Tue, 04 Oct 2011 15:04:30 +0200

O presidente de CEGASAL, José Antonio Vázquez Freire participa xunto co resto da Xunta Directiva da Confederación de Empresarios de Galicia (CEG) da que forma parte, na Semana Europea da PEME.

No evento auspiciado pola Comisión Europea e coa Fundación Galicia Europa terá lugar dende o 3 ata o 5 de outubro de 2011, na que se desenvolverán Conferencias e seminarios que tratarán sobre a “Política Europea a favor das PEMES” e o impulso e apoio da Comisión Europea ás PEMES e ao entorno empresarial.

Os participantes terán a oportunidade de tratar os asuntos de interese para as PEMES galegas ante a Comisión.

O presidente de Cegasal aproveitará esta actividade para transladar aos comisionados europeos, as necesidade e realidade das necesidades e a realidade das empresas de economía social do Terceiro Sector dirixidas á creación de emprego de persoas con discapacidade e persoas en risco de exclusión social, ante a definición europea sobre PEMES que se utiliza para acceder aos incentivos.

Rede Pexga

Tue, 04 Oct 2011 15:02:36 +0200

O presidente de CEGASAL, José Antonio Vázquez Freire participa na Rede de Plataformas Empresariais no Exterior de Galicia (Rede Pexga) que puxo en marcha a Confederación de Empresarios de Galicia a través do convenio de colaboración co Igape, para fomentar a internacionalización do tecido produtivo galego.

Nesta iniciativa a entidade ten previsto achegar oportunidades comerciais no mercado internacional para os centros especiais de emprego sen ánimo de lucro, coa finalidade de manter e incrementar a creación de emprego entre persoas con discapacidade a través do mercado protexido.

A finalidade de Cegasal é situar cerca do mundo empresarial, ás iniciativas empresariais da Economía Social postas en marcha polo Terceiro Sector para fomentar o emprego de persoas con discapacidade e alcanzar maiores taxas de emprego do colectivo.

O Progreso recolle información sobre o transcurso da sinatura do convenio coa CEL

Thu, 28 Apr 2011 10:13:08 +0200

27/04/2011 - A.*C. / O Progreso (Lugo)

A crise está a facilitar a inserción laboral de persoas con discapacidade. Os empresarios están a aproveitar as vantaxes económicas que ofrece a súa contratación polas subvencións públicas e bonificacións das cotas da Seguridade Social que reciben a cambio.

Así se puxo onte de manifesto na firma do convenio de colaboración entre a *CEL e a Asociación *Galega de Centros Especiais de Emprego *sen Ánimo de Lucro (Cegasal) para fomentar a contratación de persoas con discapacidade. A patronal lucense é a primeira de Galicia que subscribe un acordo deste tipo.

O ano pasado na provincia de Lugo incorporáronse a empresas privadas a través do Servizo de Integración Laboral (SIL) de Cegasal a 463 persoas con discapacidade, sobre todo no sector servizos, 33 máis que en 2009, o que supuxo un incremento do 7,6%. En Galicia foron 2.757, 409 máis que o exercicio anterior, cunha subida do 17,4%. O SIL, que é como «o *Inem» coa que traballa esta asociación, segundo detallou o seu presidente, José Antonio Vázquez, ofrécelle aos empresarios dispor en 48 horas de catro perfiles de aspirantes a un posto de traballo.

José Antonio Vázquez asegurou que «a un empresario resúltalle rendible contratar a unha persoa con discapacidade». Nun ano pode aforrar de media un terzo dos custos de persoal.

O presidente de Cegasal insistiu ademais en que «a mellor integración para unha persoa con discapacidade é crear un posto de traballo». Jorge Somoza, en representación da CEL, destacou que así se cumpre unha dobre misión, inserila laboralmente e «dignificala».

Fonte: O Progreso

Cegasal asina un convenio de colaboración coa Confederación de Empresarios de Lugo

Tue, 26 Apr 2011 13:50:17 +0200

Lugo, 26 de abril de 2011.- A Asociación Galega de Centros Especiais de Emprego sen Ánimo de Lucro (CEGASAL) e a Confederación de Empresarios de Lugo (CEL) asinaron esta mañá un convenio de colaboración a través do que as entidades se comprometen a promover accións conxuntas de fomento da situación laboral e social das persoas con discapacidade.

O Presidente de Cegasal, José Antonio Vázquez Freire, e o tesoureiro da Confederación de Empresarios de Lugo, Jorge Somoza Lázare, foron os encargados de asinar o convenio na sede central da CEL.

Al través do acordo asinado, as dúas entidades buscan formalizar un marco de colaboración mutua para o intercambio de información e posta en coñecemento entre os asociados da CEL e as actividades de Cegasal, así como para fomentar no marco do tecido empresarial lucense a contratación laboral de persoas con discapacidade e dos colectivos desfavorecidos aos que CEGASAL presta servizos.

Auditorías

De forma concreta, CEGASAL comprométese auditar ás empresas da provincia para o mellor cumprimento das súas obligacións legais en materia de emprego de persoas con discapacidade, o uno desenvolvemento da súa política de responsabilidade social empresarial baseada na mellor ade emprego deste grupo social. Igualmente, facilitará ás empresas lucenses información e asesoramento relativo a subvencións, bonificacións e axudas á contratación, de persoas con discapacidade, así como das axudas para a adaptación ao posto de traballo. Tamén ocuparanse da preselección dos candidatos a postos de traballo ou colaboración en programas formativos, entre outros.

Pola súa banda, a CEL procurará unha maior difusión e asesoramento en relación á contratación de persoas con discapacidade, para o que as dúas entidades elaborarán plans de información e asesoramento a empresarios ou colaborarán na promoción da realización de prácticas non laborais por parte de persoas con discapacidade en empresas da provincia, así como na posta en marcha de cursos e outras accións divulgativas.

Tamén se creará un sistema de comunicación que permita a CEGASAL un mellor coñecemento da creación de novas empresas e demanda de postos de traballo en Lugo, e se fomentará o contacto con negocios para a creación de enclaves laborais ou de empresas coparticipadas, que favorezan a integración de persoas con discapacidade.

O convenio asinado entra hoxe mesmo en vigor e con vixencia indefinida.

Un curso de técnicas de comunicación que convence a todos

Wed, 09 Mar 2011 14:01:12 +0100

Continúa a impartirse o curso de Técnicas de Comunicación que forma parte do plan de formación que organiza Cegasal grazas ao financiamento da Dirección Xeral de Formación e Colocación da Xunta de Galicia, a través de sesións de teleformación ata o próximo 5 de abril de 2011.

A devandita acción formativa de 59 horas de duración consideraba dúas xornadas presenciais na aula habilitada en Santiago e realizadas o 28 de febreiro e o 7 de marzo e continúa coas sesións non presenciais a través dunha plataforma on-line habilitada.

Esta actividade organizada para 17 persoas, a maioría con discapacidade , está dirixida a persoal ocupado de empresas, na que se combina os intereses de capacitación profesional e promoción individual dos traballadores cos requerimentos que en cada momento necesitan as empresas.

Mañana finaliza el curso de poda

Wed, 09 Mar 2011 13:36:55 +0100

O 10 de marzo finaliza a acción formativa de poda en altura organizado por Cegasal, incluída dentro do plan de formación que está financiado a través da subscrición de convenios de ámbito autonómico dirixidas especialmente a persoas ocupadas, coa Dirección Xeral de Formación e Colocación.

A devandita acción impartida en modalidade mixta contou coa realización de seis xornadas presenciais e 14 horas a distancia. Un total de 44 horas que foron distribuídas entre o 18 de febreiro ata o 10 de marzo de 2011.

Neste curso participaron un total de 16 persoas, na súa maioría con discapacidade, que actualmente están a exercer labores profesionais en distintas empresas asociadas.

Dende Cegasal apostamos pola formación continua do persoal dos centros especiais de emprego como o mellor xeito de combinar os intereses de capacitación profesional e promoción individual do persoal cos requerimentos que en cada
momento precisen as empresas.

Esteirana de carpintería amplía os seus servizos

Thu, 03 Mar 2011 12:53:26 +0100

En “Esteirana de Carpintería, S.L.”, por mor da crise que o sector da construcción está a atravesar, comunícannos que retomará a realización de calquera traballo de carpintería en xeral, tanto de fabricación como de montaxe.

Dirixe os seus servizos tanto a nivel particular como empresarial, sen que supoña o abandono da fabricación de portas de madeira.

Consultar todas as oportunidades en:

Lugar de Riomario, nº 1,
15240 Esteiro (Muros)
Telf. 981 76 38 33
Fax. 981 7638 33
central@esteirana.es

Encontro empresarial coa Confederación de Empresarios de Lugo n de Empresarios de Lugo.

Thu, 24 Feb 2011 11:11:07 +0100

Cegasal organiza este mediodía un encontro coa Confederación de Empresarios de Lugo para explicarlles os beneficios da contratación de persoas con discapacidade así como tamén información sobre a contratación de servizos e produtos a centros especiais de emprego.

A devandita actividade encóntrase axustada aos obxectivos específicos previstos no Plan de acción integral para as persoas con discapacidade de Galicia 2010-2013, que de modo recente aprobou a Xunta de Galicia, en materia de emprego e formación: a promoción ao acceso e mellora da empleabilidad e a adaptación do posto de traballo das persoas con discapacidade no sector privado, así como o apoio ao emprego protexido.

A organización e realización deste Encontro Empresarial é unha oportunidade propicia para concretar colaboracións entre as dúas organizacións participantes, xerando un espazo único de encontro que permita facer máis eficientes as actuacións entre empresas, a creación de emprego entre as persoas con discapacidade, así como a potenciación económica das iniciativas empresariais protexidas que constitúen unha fonte de emprego para as persoas con discapacidade nada desdeñable, pero que é e debe ser complemento á empresa ordinaria.

A Xunta de Galicia anuncia unha nova convocatoria de subvencións aos centros especiais de emprego

Fri, 11 Feb 2011 11:09:17 +0100

No Consello da Xunta de onte, xoves 10 de febreiro de 2011, aprobouse a Acordo polo que se autoriza a Consellería de Traballo e Benestar para establecer pagamentos á conta e pagamentos anticipados, en porcentaxe superior á recollida no artigo 62.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, na Orde pola que se establecen as bases reguladoras dos programas para a promoción da integración laboral das persoas con discapacidade en centros especiais de emprego e de subvencións ás unidades de apoio á actividade profesional no marco dos servizos de axuste persoal e social dos centros especiais de emprego e se procede á súa convocatoria para o ano 2011, e se autoriza a exención da obriga de constituír garantías ao abeiro do artigo 67.4 do Decreto 11/2009, do 8 de xaneiro. (Importe: dez millóns oitocentos cincuenta mil euros -10.850.000,00 €-).

Entre outros aspectos indícase como novidade a posibilidade de pedir un anticipo por parte dos CEE, do 90%.

Actualmente a Xunta de Galicia ten inscritos uns 112 centros especiais de emprego no rexistro administrativo convocado ao efecto.

Localizar licitacións reservadas a centros especiais de emprego xa é posible

Fri, 11 Feb 2011 10:59:01 +0100

Durante o ano 2010, Cegasal xestionou unha petición de mellora á Plataforma de contratación do Estado, con respecto á búsqueda de licitacións publicadas, para facilitar a localización de anuncios reservados a centros especiais de emprego.

No día de hoxe recibimos a contestación e xa é unha realidade seleccionar o criterio de licitacións reservadas en dito buscador.

Os pasos para acceder ao buscador serían os seguintes:

- Acudir ao portal web http://contrataciondelestado.es/wps/portal/!ut/p/c0/04_SB8K8xLLM9MSSzPy8xBz9CP0os3gTV39nZzcPIwOLYGMXAyMfl9BQMw8g191IvyDbUREACrOTbw!!/

- Ir ao apartado "Condiciones Especiales" e "Otros criterios

Tamén se recolle outros criterios sociais específicos que é bo consultar.

En Galicia, dende a publicación da Lei 15/2010, do 28 de decembro, de medidas fiscais e administrativas, tamén se reforza a posible efectividade da previsión nacional da Disposición Adicional 7ª de Contratos do Sector Público, xa que se expón expresamente a posibilidade de a Administración galega reserve contratos a centros especiais de emprego e a empresas de inserción laboral nas súas licitacións.

Un paso máis no camiño a alcanzar un mercado protexido para este tipo de iniciativas.

Iniciado o primeiro curso do Plan de formación do ano 2011

Fri, 04 Feb 2011 13:06:48 +0100

Nos últimos anos a formación profesional continua orientase cada vez máis ao desenvolvemento de competencias profesionais específicas. Neste senso, varias asociacións sectoriais galegas, como Cegasal, impulsan este proxecto formativo ao amparo da Orde do 9 de xullo do 2010 (Consellería de Traballo e Benestar) para a formación dirixida prioritariamente a persoas traballadoras ocupadas.

Cegasal quixo aproveitar esta posibilidade de formar aos traballadores que prestan servizos en CEE, moitos deles con discapacidade, se ben non son cursos exclusivos para eles.

A entidade, ao recibir as solicitudes de participación, considerou necesario incidir nas posibles necesidades individuais que cada alumnado solicitaba, co fin de eliminar todo obstáculo na formación recibida.Tamén tivo en conta a hora de establecer as accións formativas, as necesidades manifestadas por parte das empresas do sector.

Conseguimos así que os traballadores poidan obter a formación necesaria ás necesidades das empresas, melloren as súas habilidades profesionais e mellorar o seu desarrollo profesional.

Son cursos gratuítos para os participantes e totalmente subvencionados pola Dirección Xeral de Formación e Colocación (Consellería de Traballo e Benestar) e cofinanciadas polo Fondo Social Europeo (Cofinanciamento do 80%).

A oferta formativa do Plan posto en marcha por Cegasal está composta por dúas accións máis:

- Técnicas de comunicación a celebrar en Santiago. Un total de 17 prazas.

- Poda en altura.A celebrar en Ames Un total de 16 prazas

Prazas limitadas.